როგორც პარლამენტში ყოფნისას ივანიშვილმა განაცხადა, საკვები პროდუქტები აღარ იქნება სიცოცხლისა და ჯანმრთელობისათვის საშიში. ფულადი საკრედიტო და სავალუტო პოლიტიკის ძირითადი მიმართულებები კი, განისაზღვრება.

“საქართველოს მთავრობის უმთავრესი ამოცანაა ისეთი საბაზრო სისტემის ჩამოყალიბება, სადაც გამორიცხული იქნება მონოპოლიების არსებობა“,-ამის შესახებ განცხადება ივანიშვილმა დღეს, პარლამენტში სიტყვით გამოსვლისას გააკეთა.

უმრავლესობის წევრი დარბაზში ზუგდიდის მაჟორიტარი კანდიდატის როლანდ ახალიას ყოფნასაც გამოეხმაურა და აღნიშნა, რომ დემოკრატიის წესების თანახმად, მასაც და ახალაიასაც პარლამენტარები უნდა ერქვათ.

„ჩვენ დროში გაწერილი პროგრამა გვქონდა. შეცდომებიც იყო, ამიტომაც არ დაგვიჭირა მხარი მოსახლეობის ნაწილმა. თუმცა ჩვენ პარლამენტში ოპოზიციის ფუნქციას შევასრულებთ და გავაკონტროლებთ მთავრობას, პრემიერს და პარლამენტს“,- დასძინა უმცირესობის წევრმა.

პრემიერ-მინისტრობის კანდიდატის ბიძინა ივანიშვილის განაცხადებით, ახალი მთავრობის პოლიტიკური გუნდის გაცხადებული პრიორიტეტია, ევროკავშირში გაერთიანებისაკენ სწრაფვა, ევროატლანტიკური ორიენტაცია და ნატოში ინტეგრაცია.

პრემიერ-მინისტრობის კანდიდატის ბიძინა ივანიშვილის განცხადებით, ახალი მთავრობა იქნება გარანტი იმისა, რომ მოქალქეების კონსტიტუციური უფლებები იქნება ხელშუხებელი, დამკვიდრედება კანონის უზენაესობა და ბოლო მოეღება პოლიტიკური ნიშნით დევნას.

ბიძინა ივანიშვილის განცხადებით, მისი გუნდი აუცილებლად გამოძებნის გზას აფხაზებთან და ოსებთან სალაპარაკოდ. მისივე თქმით, მოხდება რუსეთთან ურთიერთობის აღდგენაც.

პრემიერ-მინისტრობის კანდიდატი ამ წუთებში, პარლამენტში სიტყვით გამოდის. ბიძინა ივანიშვილის განცხადებით, პარტიების დაფინანსება შეიცვლება და ყველას შეეძლება სრულყოფილად წარმართოს პოლიტიკური საქმიანობა და საარჩევნო კამპანია.

პრემიერ-მინისტრობის კანდიდატის განცხადებით, ახალი მთავრობა ფართო მასშტაბიან რეფორმებს ყველა მიმართულებით განახორციელებს და მათი პოლიტიკა ხალხის ინტერესებს დაეფუძნება.

როგორც პარლამენტში მისულმა ივანიშვილმა ჟურნალისტებს განუცხადა, მათი მთავარი პრიორიტეტი სამართლიანობის აღდგენა და ეკონომიკური მდგომარეობის გაუმჯობესება იქნება.

„არ დავუშვებთ პოლიტიკური ნიშნით დევნას. მზად ვართ ვემსახუროთ ქვეყანას და თავდაუზოგავად ვიშრომოთ. ჩვენმა ხალხმა მიაღწია თავისუფლებას, მაგრამ ხალხმა კეთილდღეობაც უნდა იგრძნოს. მთავარი ღირებულება ჩვენთვის ადამიანია და სამთავრობო პროგრამაც სწორედ ამაზე არის აწყობილი“,- განაცხადა ივანიშვილმა.