უწყებათაშორისი კომისიის წევრის თამარ კინწურაშვილის განცხადებით,

„უწყებათაშორისი კომისია თავისუფალი და სამართლიანი არჩევნებისთვის“ ცნობილი გახდა, რომ გარკვეული ადგილობრივი ხელისუფლების ორგანოები უწყებრივ  ვებ-გვერდებს მმართველი პაარტიის საარჩევნო კამპანიის გაშუქებისა და პარტიული სიმბოლიკის განთავსების მიზნით იყენებენ.

როგორც ჟურნალისტებს კინწურაშვილმა განუცხადა, კომისიაში შეტყობინება შევიდა რომ სახელმწიფო დაწესებულებაში განთავსებულ უწყებრივ რეკლამაში ერთ-ერთი საარჩევნო სუბიექტი ფიგურირებდა. მისი თქმით, კომისი ასეთ ქმედებებს ადმინისტრაციული რესურსების უკანონო გამოყენებად მიიჩნევს, რადგან მსგავს ქმედებას საარჩევნო კანონმდებლობა კრძალავს.

კინწურაშვილის ინფორმაციით, საკითხთან დაკავშირებით კომისია ადგილობრივი თვითმმართველობის ორგანოებსა და სახელმწიფო დაწესებულებებს რეკომენდაციით მიმართავს „შეისწავლონ მათი ორგანიზაციების ეგიდით გამოცემული ბეჭვდური თუ ელექტრონული გამოცემების შინაარსის შესაბამისობა საარჩევნო კანონმდებლობასთან და დარღვევების გამოვლინების შემთხვევაში აღნიშნული პრაქტიკა აღკვეთონ. წინასაარჩევნო პერიოდში არ მოახდინონ ისეთი ბეჭვდური გამოცემებისა და ვიდეო-მასალის დისტრიბუცია, რომელიც საარჩევნო მიზნებისთვის შექმნილი არ არის, მაგრამ მასში  საპარლამენტო არჩევნებში მონაწილე სუბიექტის ფიგურირება ადმინისტრაციული რესურსის, პარტიული მიზნებისთვის გამოყენებას წარმოადგენს “,- განაცხადა კინწურაშვილმა.

Internet.ge