უკრაინაში შემზარავი ტრაგედია მოხდა.

24 და 22 წლის ცოლ-ქმარი სოფელ რადენსკოეს ტყეში ხეზე ჩამოკიდებულები იპოვეს.

სამართალდამცველების თქმით, წყვილის მშობლებმა ქორწინების შესახებ არაფერი იცოდნენ.

მილიციამ დაადგინა, რომ ახალგაზრდებს არ ჰქონდა სახსრები ერთობლივი ცხოვრების გასაგრძელებლად, - ცოლმა წელს დაამთავრა უმაღლესი, მამაკაცი კი ჯერ ისევ სწავლობდა.

ზაფხულში ისინი რადენსკოეში ქალის ბებიასთან ჩავიდნენ, სადაც ფარდულში ცხოვრობდნენ.

სექტემბრის დასაწყისში კი ბანკიდან სამომხმარებლო კრედიტი აიღეს - 100 გრივნა, რომლითაც კვების პროდუქტები იყიდეს, რათა ბოლო - გამოსამშვიდობებელი ვახშამი მოეწყოთ და თოკები ეყიდათ თავის ჩამოსახრჩობად.

ფარდულში წერილი დატოვეს, რომელშიც ისინი პატიებას ითხოვდნენ, შემდეგ კი ტყეში გავიდნენ და სიცოცხლე თვითმკვლელობით დაასრულეს.