თბილისელი ტრანსსექსუალი კესარია აბრამიშვილი „ITV”-ის გადაცემაში - "ქუდიანი კაცი" საუბრისას, ახვლედიანის ქუჩაზე მომხდარი სისხლიანი გარჩევის შესახებ საუბრობს.

კესარია ადასტურებს, რომ ინცინდენტის დროს ჯაზ-კლუბში იმყოფებოდა, თუმცა, მოხდა თუ არა მის გამო ახალგაზრდა მამაკაცებს შორის სისხლიანი გარჩევა ორაზროვან კომენტარს აკეთებს.

"კლუბური ცხოვრებით ვცხოვრობ, ინცინდენტის დღეს მეგობრებთან ერთად ვიმყოფებოდი ჯაზ კლუბში, ვცეკვავდი, როცა ჩხუბის ხმა მომესმა, რა მოხდა ზუსტად ვერ გეტყვით, გარეთ გამოვედი და ვნახე დაჭრილი ადამიანები", - განაცხადა კესარიამ.

კითხვაზე, იყო თუ არა კესარია მამაკაცებს შორის დაწყებული შელაპარაკების მიზეზი, ის აცხადებს, რომ ინცინდენტი ნამდვილად ეჭვიანობას უკავშირდება. დეტალებზე საუბრისგან კი თავს იკავებს.

შეგახსენებთ, რომ კესარია აბრამიშვილმა გუშინ, ტელეკომპანია "RTV"- სთან ინტერვიუში დაადასტურა, რომ მამაკაცებს შორის შელაპარაკება მის გამო მოხდა.

Internet.ge