ნოვოკუზნეცკში უჩვეულო მოვლენის ვიდეოკამერით დაფიქსირება მოახერხეს.
ღამით ცაში გაურკვეველი ობიექტი დაეკიდა, რომელმაც ერთგვარი, სინათლის შოუ მოაწყო.

გამვლელების ყურადღება უჩვეულო სინათლემ მიიპყრო. მალე კი მიხვდნენ, რომ ეს არც თვითმფრინავი იყო და არც მეტეოზონდი.

ობიექტმა მანათობელი კუდი „გადმოაგდო“ და უხმაუროდ განაგრძო ფრენა.

როგორც თვითმხილველები ამბობენ, სპირალის მსგავსი „კუდი“ მიწაზე ჩამოვარდა, თუმცა ამის შემხედვარენი ისე იყვნენ შოკირებულები, რომ მამაკაცი, რომელიც ვიდეოს იღებდა, რაღაც მომენტში სასწრაფოდ გაშორდა შემთხვევის ადგილს.

სპეციალისტები ამბობენ, რომ ეს ბალისტიკური რაკეტა იყო, რომლის გაშვებასაც ასეთი სინათლის ეფექტები ყოველთის ახლავს თან, თუმცა მოსახლეობა დარწმუნებულია, რომ ამოუცნობი მფრინავი ობიექტი ნახა.

internet.ge