გაეროს ბავშვთა ფონდი გმობს ბავშთა უფლებების დარღვევების ფაქტებს საქართველოს პენიტენციურ სისტემაში.

UNICEF-ის თბილისის წარმომადგენლობის განცხადებით, ბავშვთა უფლებების კონვენციის თანახმად არც ერთი ბავშვი არ უნდა გახდეს წამების, სასტიკი, არაადამიანური და დამამცირებელი მოპყრობის, მათ შორის, მისი ღირსების შემლახველი  ქმედების ან დასჯის მსხვერპლი.

ფონდი მოუწოდებს საქართველოს ხელისუფლებას, დეტალურად გამოიძიოს დაპატიმრებულ და თავისუფლებააღკვეთილ არასრულწლოვანთა მიმართ არასათანადო მოპრობის ფაქტები და აცხადებს, რომ ხელისუფლებამ უნდა უზრუნველყოს ადამიანის უფლებათა დაცვა.

გაეროს ბავშვთა ფონდი შეშფოთებას გამოთქვამს ავჭალის არასრულწლოვანთა დაწესებულებაში არსებული სიტუაციით, რაზეც საუბარი იყო სახალხო დამცველის 2012 წლის 9 სექტემბრის მოხსენებაში და მიმართავს საქართველოს ხელისუფლებას, დროულად და ადექვატურად მოახდინოს მასზე რეაგირება.

Internet.ge