ფილარმონიის მიმდებარე ტერიტორიაზე სოლიდარობის აქცია გრძელდება. ცოტა ხნის წინ აქციის მონაწილეებმა კოსტავას გამზირის გადაკეტვა სცადეს, თუმცა ამის საშუალება  მომიტინგეებს ადგილზე მობილიზებულმა სამართალდამცავებმა ცოცხალი ჯაჭვის გამოყენებით არ მისცეს.

მას შემდეგ, რაც პატრულმა საავტომობილო  გზა  გახსნა, სტუდენტებმა   ტროტუარებზე გადაინაცვლეს. ახალგაზრდები ამჯერად აქციის ერთ-ერთი მონაწილის, აზერბაიჯანის მოქალაქის საკიროვ ოხმანოვის დაჯარიმების ფაქტს აპროტესტებენ.

არსებული ინფორმაციით,  აზრებაიჯანის მოქალაქე რომელიც შავი ზღვის უნივერსიტეტის სტუდენტია, საპატრულო პოლიციამ გააჩერა, 200 ლარიანი ჯარიმა გამოუწერა და მართვის მოწმობა ჩამოართვა.  

რაც შეეხება აქციის მიმდინარეობას, მიუხედავად ოფიციალური განცხადებისა, რომლის მიხედვითაც სტუდენტებს აქცია ხვალამდე უნდა შეეწყვიტათ, ფილარმონიასთან შეკრებილთა გარკვეულმა ჯგუფმა კინოთეატრ ამირანთან გადაინაცვლა.

მიუხედავად იმისა, რომ მათთან ამ წუთებშიც იმყოფებიან სასულიერო პირები და დაშლისკენ მოუწოდებენ, ისინი აქციის შეწყვეტას არ აპირებენ.

პარალელურად აქცია მიმდინარეობს უნივერსიტეტის მიმდებარე ტერიტორიაზეც, სადაც როკ-კონცერტი უნდა გაიმართოს, შეკრებილები პროტესტს სპეციალურად ამ დღისთვის შექმნილი კომპოზიციებით დააფიქსირებენ.

Internet.ge