ინტერნეტში გავრცელებულმა ვიდეომ, რომელიც ჩინეთშია გადაღებული, უდიდესი ინტერესი გამოიწვია. ადამიანები, რომლებიც წესით, სასტიკი ავარიის მსხვერპლნი უნდა გამხდარიყვნენ, ტრაგედიის ადგილიდან გაქრნენ და გზის უსაფრთხო ადგილას გაჩნდნენ. შემთხვევა სათვალთვალო კამერამ დააფიქსირა.

შეჯახების შემდეგ სატვირთო მანქანის მძღოლი, რომელიც დარწმუნებულია, რომ მინიმუმ ერთი ადამიანი მაინც მოკლა, სასწრაფად ჩერდება, გადადის მანქანიდან და დაშავებულს ეძებს, თუმცა ორივე მათგანი, ველოსიპედითურთ, გზის საწინააღმდეგო მხარეს დგას.

ვიდეოსთან დაკავშირებით უამრავი მოსაზრება გამოითქვა. როგორც ამბობენ, ეს არ არის ხელოვნური „სასწაული“. ყველაზე მეტად კი ინტერნეტმომხმარებლები ტელეპორტაციის (სივრცის ერთი წერტილიდან მეორეში სხეულის ფიზიკური გადაადგილების გარეშე გადაადგილება)  ვერსიას იზიარებენ.

აღნიშნული ვიდეო Youtube-ზე უკვე მილიონმა ადამიანმა ნახა.

internet.ge