წამალს, რომელიც კიბოს საწინააღმდეგოდ შეიმუშავეს, პერსპექტიული მაჩვენებლები აქვს პროგერიით (დაავადება, რომელიც ბავშვებს ნაადრევად აბერებს და 15 წლის ზევით სიცოცხლის შანსს არ აძლევს) დაავადებულ ბავშვებში.

გენეტიკური დაავადება 8 მილიონ ადამიანში ერთს ემართება და ორგანიზმს 8-ჯერ უფროს სწრაფად აბერებს, ვიდრე ეს ჩვეულებრივ ხდება.

ახლა ამ ბავშვების სამკურნალოდ იმედი გაჩნდა. პრეპარატმა Ionafarnib-მა კლინიკური გამოცდის შემდეგ დადებითი შედეგები აჩვენა. ბავშვების მესამედს, რომლებიც პრეპარატს იღებდნენ, კუნთოვანი და ძვლოვანი მასა მოემატათ, ასევე შეუმცირდათ გულის შეტევის რისკი, რისგანაც, როგორც წესი, პროგერიით დაავადებული ბავშვები იღუპებიან.

კვლევაში 26 ბავშვი მონაწილეობდა. ისინი წამალს, ერთი წლის განმავლობაში  დღეში ორჯერ იღებდნენ. ექსპერიმენტი ბოსტონის ბავშვთა საავადმყოფოში ჩატარდა.

ფოტოზე აღბეჭდილმა 14 წლის ჰაიკლი ოკინესმა, რომელიც ასევე მონაწილეობდა ექსპერიმენტში, უკვე გადააბიჯა საშუალო ასაკს, - რა დროსაც ამ დაავადების მქონე მოზარდები იღუპებიან.

Internet.ge