დედაქალაქში თბილისობა აღინიშნება. 7 ოქტომბრის ჩათვლით, თბილისის ძველ უბნებში ტრადიციულად სადღესასწაულო ღონისძიებები მოეწყობა.

როგორც თბილისის მერიაში აცხადებენ, „თბილისობა 2012“ დატვირთული იქნება სადღესასწაულო ღონისძიებებით, რომლებიც თბილისის ძველ უბნებში და მის მიმდებარე ტერიტორიებზე გაიმართება.

ტრადიციულად კი, მეიდანზე დაიდგმება საწნახელი. მოეწყობა ტივით გასეირნება. აბანოთუბანში გაიმართება ფოლკლორული ანსამბლების კონცერტები, ხილისა და ჩაის ფესტივალები,  ავტო-შოუ, სხვადასხვა სპორტული ღონისძიებები, ახალგაზრდა პოეტების საღამო და  ლიტერატურული კონკურსი „გალას“ დაჯილდოვება.

საზეიმო  ღონისძიებები 7 ოქტომბერს, ევროპის მოედანზე,  გალა კონცერტით დასრულდება.

Internet.ge