"ნაციონალური მოძრაობის" წევრის, კოკი იონათამიშვილის განცხადებით, არჩევნების შედეგებიდან გამომდინარე, 1 000-ლარიანი ვაუჩერის პროგრამა არ იმუშავებს, რის გამოც მერია კონკრეტულ ალტერნატიულ სქემაზე მუშაობს.

როგორც ჟურნალისტებთან საუბრისას იონათამიშვილმა განაცხადა, საუბარია დასუფთავებისა და ელექტროენერგიის გადასახადის განცალკევებაზე.

“როგორც ცნობილია 1 000 ლარიან ვაუჩერს მოსახლეობა, სავარაუდოდ, გამოიყენებდა სწორედ კომუნალური გადასახადების დაფარვისთვის, თუმცა ეს ვაუჩერი არ იმუშავებს და მერია ამჟამად მუშაობს კონკრეტულ ალტერნატიულ სქემაზე, რომელიც ცნობილი უახლოეს დღეებში გახდება“,- განაცხადა იონათამიშვილმა.

მისივე ინფორმაციით, აღნიშნული პროექტის განხილვა საკრებულოს სხდომაზე თვის ბოლოს მოხდება.

internet.ge