სასამართლოებში
პოლიტიკური
სუბიექტების
მიერ წარდგენილი საპარლამენტო არჩევნებთან დაკავშირებული სარჩელების განხილვა გრძელდება.
დღეს, ქუთაისის სააპელაციო სასამართლოში
კოალიცია
"ქართული
ოცნების"
ორ სარჩელზე იმსჯელეს, თუმცა განხილვის
შემდეგ არც ერთი მათგანი არ იქნა დაკმაყოფილებული.
კოალიციის მარტვილის რაიონის მაჟორიტარობის კანდიდატი მურთაზ
ხურცილავა სააპელაციო სასამართლოსგან მარტვილის 65-ე საოლქო საარჩევნო კომისიის
შედეგების გადახედვას ითხოვდა, რაც ბიულეტინების თავიდან გადათვლას, საარჩევნო
ოლქებისა და წიგნაკების თავიდან შესწავლას ითვალისწინებდა. სააპელაციო სასამართლომ
ხურცილავას ეს სარჩელი არ დააკმაყოფილა.
ამასთან, სასამართლომ განიხილა, კოალიცია „ქართული ოცნების“ ხონის
ორგანიზაციის სარჩელიც, რომელიც 55-ე საარჩევნო ოლქის მე-8 და მე-10 უბნებზე
შედეგების გაუქმებას ითხოვდა, მაგრამ არგუმენტების არქონის გამო, სასამართლომ
კოალიციის არც ეს მოთხოვნა დააკმაყოფილა.
Internet.ge
