გერმანია და საფრანგეთი, არალეგალი მიგრანტრების მოძალების გამო, თავის ნაციონალურ საზღვრებზე დროებითი კონტროლის რეჟიმის დაწესებას ითხოვენ, - თუკი გარე საზღვრები ევროპის სამხრეთითა და აღმოსავლეთით საკმარისად არ იქნება დაცული.

ამის შესახებ ნათქვამია გერმანიისა და საფრანგეთის შინაგან საქმეთა მინისტრების ერთობლივ წერილში, რომელიც ამ ქვეყნების ნაციონალურ მთავრობებს დაეგზავნა. მიმართვის ტექსტს გაზეთი Süddeutsche Zeitung აქვეყნებს.

ორი ქვეყნის შიდაპოლიტიკური უწყება საკუთარ მთავრობებს სთხოვს „უზრუნველყონ შიდა საზღვრებზე კონტროლის აღდგენა 30 დღის განმავლობაში“. ამასთან, მათი აზრით, აღნიშნულის შესახებ გადაწყვეტილების მიღება პრეროგატიული სწორედ ნაციონალური მთავრობებისთვის უნდა იყოს.

Süddeutsche Zeitung-ის აზრით, ბერლინისა და პარიზის ეს წინადადება ლუქსემბურგში, მომავალ ხუთშაბათს, ევროკავშირის შს მინისტრების შეხვედრის განხილვის თემა გახდება, გადაწყვეტილება კი ივნისისთვის იქნება მიღებული.

internet.ge