გაზეთის „იზვესტია უკრაინაში“ საიტი დნეპროპეტროვსკში მომხდარი ტერაქტების დროს დაჭრილი 8 ადამიანის გარდაცვალების შესახებ იუწყება. გამოცემა ქალაქის მეჩნიკოვის სახელობის რაიონული კლინიკის წყაროს მონაცემებს ეყრდნობა, თუმცა დნეპროპეტროვსკის ხელმძღვანელობა ამ ინფორმაციას უარყოფს.

„გარდაიცვალა 8 ადამიანი. პარასკევიდან მოყოლებული ჩვენთან უამრავი დაჭრილი პაციენტი შემოიყვანეს. იმის თქმა, რომ ვინმე გარდაიცვალა, ჩვენ აგვიკრძალეს“ - ციტირებს საიტი წყაროს.
დნეპროპეტროვსკში 27 აპრილს 4 აფეთქება მოხდა, რომლის შედეგადაც 30 ადამიანი დაიჭრა, მათ შორის 10 ბავშვია. უკრაინის უშიშროების სამსახურმა აფეთქებებს ტერორიზმის კვალიფიკაცია მისცა. სამართალდამცველებმა უკვე შეადგინეს ფოტორობოტები სავარაუდო ტერორისტებისა, რომლებზეც ძებნაა გამოცხადებული.

Internet.ge