ტორნადოს შედეგად იაპონიის დედაქალაქში 10-მდე სახლი განადგურდა, ხოლო ათასობით ადამიანი ელექტროენერგიის გარეშე დრჩა. Associated Press-ის ინფორმაციით, სამაშველო სამსახურის მონაცემებით, 30 ადამიანი დაზარალდა, 10 მათგანი ჰოსპიტალიზებულია, მათ შორის, მძიმე მდგომარეობაში მყოფი 14 წლის მოზარდიც.

ქარიშხალი ტოკიოს ჩრდილო-აღმოსავლეთიდან 60 კილომეტრზე მდებარე ქალაქ ცუკუბადან წამოვიდა.

იაპონურ ტელეარხ NHK-ს გადმოცემით, 200-მდე სახლია დანგრეული, თუმცა მაშველები ამ დრომდე მხოლოდ 50-მდე დაზარალებულის შესახებ ადასტურებენ ინფორმაციას.

ენერგეტიკული კომპანია TEPCO-ს ცნობით, ელექტროენერგიის გარეშე 24 ათასი სახლი დარჩა. 

internet.ge