აზერბაიჯანში, ზაქათალის რაიონში მიწისძვრით დაზარალებულთა
რაოდენობამ, ვისი საკუთარი სახლებიდან გაყვანა და დროებით კარვებში შესახლება
გახდა აუცილებელი, 1050-ს მიაღწია.
დაზუსტებული მონაცემებით ავარიულ მდგომარეობაშია 2052
ნაგებობა, რომლებიც აღდგენას ექვემდებარება, 100 ობიექტზე მიწისძვრის შედეგად
ბზარები გაჩნდა და მათი ექსპლუატაცია საშიშია, სრულებით დანგრეული კი 274
ნაგებობაა, - განუცხადა ადგილობრივ მედიას ზაქათალის რაიონის ხელმძღვანელობამ.
შეგახსენებთ, 7 მაისს აზერბაიჯანსა და საქართველოში
მიწისძვრა მოხდა. ეპიცენტრი ქალაქ ზაქათალიდან 17 კილომეტრში იყო. მიწისძვრას
მსხვერპლი არ მოჰყოლია. სამედიცინო დაწესებულებას, დახმარებისთვის, ეპიცენტრის
რაიონში მცხოვრებმა 36 ადამიანმა მიმართა.
Internet.ge
