პრეზიდენტის ადმინისტრაციის ინფორმაციით, 20 მარტიდან დღემდე, პროფესიულ კოლეჯში სწავლის 2000-მდე მსურველი დარეგისტრირდა.

როგორც დღეს გამართულ ტრადიციულ ბრიფინგზე, პრეზიდენტის პრესსპიკერმა, მანანა მანჯგალაძემ განაცხადა, აქცენტები სამშენებლო, სოფლის მეურნეობის, ტურიზმის, ინფორმაციული ტექნოლოგიებისა და მომსახურების სფეროზე კეთდება.

„პროფესიული გადამზადების 1000-ლარიანი ვაუჩერების დარიგება გრძელდება. 27 მარტის მონაცემებით, 20 მარტიდან კოლეჯში სწავლის 2000-მდე მსურველი დარეგისტრირდა. აქცენტები სამშენებლო, სოფლის მეურნეობის, ტურიზმის, ინფორმაციული ტექნოლოგიებისა და მომსახურების სფეროზე კეთდება, რაც მისასალმებელია, რადგან ბაზარზე სწორედ ამ პრფესიებზეა მოთხოვნა“,- განაცხადა მანჯგალაძემ.

პრეზიდენტის პრესსპიკერის განცხადებით, ხელისუფლება მოქალაქეების ხელშეწყობას დასაქმების და განათლების კუთხით მომავალშიც გააგრძელებს.

 internet.ge