ინდონეზიაში, რუსული თვითმფრინავის ჩამოვარდნის ადგილზე, მაშველები ბორტზე მყოფი ადამიანების ძიებას განაგრძობენ, თუმცა გადარჩენილ მგზავრებს ჯერ ვერ მიაგნეს. ამის შესახებ ჯაკარტის აეროპორტში მოქმედ ანტიკრიზისულ შტაბში განაცხადეს.

„ჩვენ აღმოვაჩინეთ გარდაცვლილთა სხეულები, თუმცა ჯერ-ჯერობით, არ შეგვიძლია მსხვერპლთა ზუსტი რაოდენობის დასახელება, თვითმფრინავი დიდი სიჩქარით მოძრაობდა და მთას შეასკდა. წარმოიდგინეთ, რა შედეგით დამთავრდებოდა ეს,“- განაცხადა სამძებრო-სამაშველო სამსახურის წარმომადგენელმა.

ცოტა ხნის წინ, რუსეთის ფედერაციის საგამოძიებო კომიტეტის საიტზე გავრცელდა ინფორმაცია იმის შესახებ, რომ თვითმფრინავის ჩამოვარდნასთან დაკავშირებით სისხლის სამართლის საქმე აღიძრება.

რუსული ავიალაინერი 9 მაისს, მეორე საჩვენებელ ფრენას ახორციელებდა ინდონეზიაში და აფრენიდან 20 წუთში რადარებიდან გაუჩინარდა. ოფიციალური ინფორმაციით, მასზე 45 ადამიანი იმყოფებოდა. დღეს დილით Superjet 100-ს ინდონეზიის მთებში მიაგნეს.

Internet.ge