აშშ თვლის, რომ ტერორისტული ორგანიზაცია „ალ-ქაედა“ სირიის მიმართულებით გააქტიურდა.

როგორც პორტალი „მიგ ნიუსი“ იუწყება, პენტაგონის ხელმძღვანელმა ლეონ პანეტამ განაცხადა, რომ ამერიკული დაზვერვის მონაცემებით, „ალ-ქაედას“ წარმომადგენლები სირიის ტერიტორიაზე მოქმედებენ, თუმცა მათი მიზნები ჯერ გაუგებარია.

„ჩვენ ყველაფერი უნდა გავაკეთოთ, რათა გავიგოთ, რა არის მათი მოქმედების მიზანი სირიაში,“ - განაცხადა პანეტამ.

ამასთან, სირიის წარმომადგენელმა გაეროში ბაშარ ჯაფარიმ, ორგანიზაციის გენერალურ მდივანს პან გი მუნს წერილობით მიმართა. წერილში აღნიშნულია, რომ სირიის ტერიტორიაზე უცხოელი ბოევიკების ჯგუფი იმყოფება, რომლებიც „ალ-ქაედასთან“ კავშირში არიან და სირიაში ტერაქტების მოსაწყობად ჩავიდნენ. ამასთან, სირიის სპეცსამსახურების მონაცემებით, 12 ასეთი ბოევიკი უკვე ლიკვიდირებულია.

Internet.ge