საერთაშორისო უფლოებადამცველი ორგანიზაცია Amnesty International, მსოფლიოში სიკვდილით დასჯის სასჯელის აღსრულების სტატისტიკას აქვეყნებს. მისი ინფორმაციით, 2011 წელს მსოფლიოში სიკვდილით 676 ადამიანზე მეტი დასაჯეს. ამ ჩამონათვალში არ შედის ჩინეთი, რადგან პეკინი აღნიშნულ სტატისტიკას სახელმწიფო საიდუმლოების სტატუსს აძლევს. თუმცაღა ვარაუდობენ, რომ ჩინეთში, როგორც წესი, ყოველწლიურად, სიკვდილით ათასზე მეტ ადამიანს სჯიან.

გასულ წელს ყველაზე მეტი ადამიანი სიკვდილით ჩინეთში, ერაყში, ირანში, ჩრდილოეთ კორეაში, საუდის არაბეთში, სომალიში, აშშ-სა და იემენში დასაჯეს. ცნობილია, რომ კორეის სახალხო რესპუბლიკაში სიკვდილით დასჯილთა რაოდენობა ათასობით იყო.

შეერთებული შტატები ერთადერთი განვითარებული დემოკრატიული და „დიდი რვიანის“ ქვეყანაა, სადაც სასიკვდილო განაჩენები გამოაქვთ, თუმცაღა როგორც მოხსენებაშია აღნიშნული, აშშ-ში ამ განაჩენების აღსრულების სიხშირე კლებულობს.
ერთადერთი ევროპული ქვეყანა, სადაც 2011 წელს ადამიანები სიკვდილით დასაჯეს, ბელორუსია.

ორგანიზაციის მიერ შედგენილ ანგარიშში,  განსაკუთრებული შეშფოთებაა გამოთქმული ახლო აღმოსავლეთის ქვეყნების გამო, სადაც სიკვდილით დასჯის სასჯელის გამოყენება თითქმის გაორმაგდა. ირანში, პაკისტანში, საუდის არაბეთში ადამიანებს კლავენ არა მარტო სასტიკი და ძალადობრივი დანაშაულების, არამედ ცოლ-ქმრული ღალატის, ჰომოსექსუალიზმის, რელიგიური განდგომილობის, ჯადოქრობის გამო. საუდის არაბეთსა და სომალიში კი სასჯელის აღსრულება საჯაროდ ხდება.
ერთადერთი ევროპული ქვეყანა, სადაც 2011 წელს ადამიანები სიკვდილით დასაჯეს, ბელორუსია.

Amnesty International ამ სტატისტიკის გამო შეშფოთებულია და მიუხედავად იმისა, რომ სასჯელის უმაღლესი ზომა 198 ქვეყნიდან მხოლოდ 20 ქვეყანაში გამოიყენება, მოუწოდებს მათ, ამ სასჯელზე მორატორიუმი გამოაცხადონ.

Internet.ge