დღეს, სასტუმრო „ქორთიარდ მერიოტი“ მათემატიკის ოლიმპიადას - „ბი ჯი ჯენერეიშენ 2012“ - პრეზენტაციას უმასპინძლებს.

ოლიმპიადა  საქართველოს მასშტაბით 5 თვითმართველ ქალაქსა და 59 მუნიციპალიტეტში ჩატარდება. კონკურსში მონაწილეობას მიიღებს მე-2 - მე-11 კლასის 10 000-მდე მოსწავლე. პროექტის  „ბი ჯი ჯენერეიშენ 2012" ორგანიზატორია ა/ო „ბიზნეს ჯგუფი", ოლიმპიადის მხარდამჭერია საქართველოს სპორტისა და ახალგაზრდობის საქმეთა სამინისტრო.

მათემატიკის ოლიმპიადა 20 მაისს დაიწყება და 10 ივნისამდე გასტანს. კონკურსი სამი ეტაპისგან შედგება. ოლიმპიადის მონაწილეთა პასუხებს ფიზიკა-მათემატიკის კვალიფიციური პროფესორ-მასწავლებლები შეაფასებენ.

მათემატიკის ოლიმპიადის „ბი ჯი ჯენერეიშენ" გენერალური სპონსორია „კავკასუს ონლაინი". კონკურსის საპრიზო ფონდია 10 000 ლარი.

პროექტის მიზანია ნიჭიერი მოსწავლეების გამოვლენა და მათი ტალანტის განვითარების ხელშეწყობა.

Internet.ge