სასტუმრო „ქორთიარდ მარიოტში“  მიმდინარე ნარკოპოლიტიკის საერთაშორისო შეხვედრაზე დღეს,  სასჯელაღსრულების დაწესებულებებში ჩატარებული კვლევის შედეგები განიხილეს.

სასჯელაღსრულების სამინისტროს ინფორმაციით, არასამთავრობო ორგანიზაციების მიერ ჩატარებულ  კვლევაში ნათქვამია, რომ  ბოლოს 3 წლის განმავლობაში, საქართველოს პენიტენციურ სისტემაში, ნარკოტიკის უკანონო ბრუნვის არცერთი შემთხვევა არ ფიქსირდება.

საერთაშორისო შეხვედრა  „ალტერნატივა ჯორჯიას“ საინფორმაციო- სამედიცინო ცენტრ „თანადგომას“ და ჰოლანდიური ორგანიზაცია „აინლინე ოუნდატიონ“-ის მიერ განხორციელებული პროექტის „ჰუმანურობა პირველ რიგში“ ფარგლებში, ჰოლანდიის საგარეო საქმეთა სამინისტროს ფინანსური  მხარდაჭერით ჩატარდა.

ღონისძიების ორგანიზატორები აცხადებენ, რომ საქართველოს ნარკოპოლიტიკა პოსტსაბჭოთა სივრცეში ერთ-ერთი ყველაზე მკაცრია.

შეხვედრას სამთავრობო და  არასამთავრობო, ასევე საერთაშორისო ორგანიზაციების წარმომადგენლები და ევროპის ქვეყნებიდან მოწვეული ექსპერტები დაესწრნენ.

Internet.ge