აზერბაიჯანში კვლავ ძლიერი მიწისძვრა მოხდა. გუშინ, გვიან საღამოს, ზაქათალას რაიონის სამხრეთით, მიწისძვრის ეპიცენტრში 6-ბალიანი ბიძგები დაფიქსირდა, უახლოეს მასივებში კი 4-5 ბალი.

როგორც აზერბაიჯანული მედია იუწყება, მიწისძვრას ზაქათალასა და გახსკის რაიონებში ნგრევა მოჰყვა. რაიონების ადმინისტრაციების ცნობით, ნაგებობების უმრავლესობა, რომლებიც გასულ კვირას მომხდარმა მიწისძვრამ დააზიანა - დანგრეულია.

ზაქათალას ცენტრალური საავადმყოფოს ინფორმაციით, სამედიცინო დაწესებულებას მიწისძვრის შემდეგ რამდენიმე ადამიანმა მიაკითხა, მათი ნაწილი სასწრაფო დახმარების მანქანებით მიიყვანეს. პაციენტების დიდი ნაწილი საავადმყოფოში სტრესის გამო მოხვდა.

ერთი დაჭრილის შესახებ იუწყება საგანგებო სიტუაციების სამინისტრო.

პოლიციის ცნობით, კი დაიღუპა ერთი ადამიანი. მიწისძვრის დროს, 21 წლის ფარიდ გაჯიომაროვი ავტომანქანის საჭესთან იჯდა, იგი ხეს შეეჯახა და ადგილზე გარდაიცვალა.

მიწისძვრით მიყენებული ზარალი დგინდება.

internet.ge