დამამთავრებელი კლასის მოსწავლეები დღეს გამოცდას ისტორიაში ჩააბარებენ, 24 მაისს - გეოგრაფიაში; 25 მაისს - ფიზიკაში; 28 მაისს - ქიმიაში; 29 მაისს - ბიოლოგიაში, ხოლო 30 მაისს - მათემატიკაში.

2011-2012 სასწავლო წლის გამოსაშვები გამოცდები 21 მაისს, საქართველოს ყველა სკოლაში, ქართული ენისა და ლიტერატურის გამოცდით დაიწყო. განათლებისა და მეცნიერების სამინისტროს ინფორმაციით, სკოლები ტექნიკურად გამართულია და მზად არის გამოცდების მაღალ დონეზე ჩასატარებლად.

საატესტატო გამოცდები ცენტრალიზებულად, ერთიანი მართვისა და კონტროლის პირობებში მიმდინარეობს. გამოცდების ტექნიკურ უზრუნველყოფას სამინისტროს განათლების მართვის საინფორმაციო სისტემა ახორციელებს. გამოცდების მიმდინარეობა სახლიდან გაუსვლელად, განათლების მართვის საინფორმაციო სისტემის ოფიციალურ facebook-ის გვერდზე, www.facebook.com/emis.ge, online რეჟიმშიცაა შესაძლებელი.

Internet.ge