დღეს, ქართული რადიოს დღე აღინიშნება. ამასთან დაკავშირებით, საგანმანათლებლო ცენტრ “ლანგეითთან“ არსებულ  თავისუფალი შეხვედრების კლუბში, ქართული რადიოს დღისადმი მიძღვნილი საღამო გაიმართება.  ნაჩვენები იქნება რადიოჟურნალისტების მიერ კერძო არქივში შემონახული საინტერესო საარქივო ვიდეო-მასალა.

საღამო ორიგინალური ფორმით ჩატარდება;  მისი მონაწილეები საგამოცდო ბილეთების მსგავსად ცალკე ფურცლებზე ჩამოწერილ, რადიოსთან დაკავშირებულ სახალისო შეკითხვებს გასცემენ პასუხებს.  ღონისძიებიდან  მოხდება ჩართვა რადიოს პირადირ ეთერში დღევანდელ ხელმძღვანელთან ლია წიკლაურთან.

საღამოს დაესწრებიან  საქართველოს, ამჟამად კი საზოგადოებრივი რადიოს სხვადასხვა დროის ძველი და ახალი თანამშრომლები, მათ შორის:  თამარ ჭოხონელიძე, ნანული აბესაძე, ზურაბ ცინცქილაძე, ნუგზარ ერგემლიძე, ნანული სარაჯიშვილი, ჯემალ სეფიაშვილი, ასევე რადიოს ძველი ხელმძღვანელები რამინ ჭელიძე და ვახტანგ ნანიტაშვილი.  

საქართველოს რადიო, რომელიც 1925 წლიდან მაუწყებლობს, ერთ-ერთი უძველესია მსოფლიოში. პირველი საცდელი გადაცემა ეთერში 1925 წლის 23 მაისს გადაიცა.  მრავალი ათეული წლის განმავლობაში ის უალტერნატივო მაუწყებლად რჩებოდა, თუმცა ქართულმა რადიომ მსმენელი ტელევიზიის ამოქმედების შემდეგაც შეინარჩუნა.

Internet.ge