პატიმართა შეწყალების კომისიამ, 109 მსჯავრდებულის საქმიდან, რეკომენდაცია 80-მდე  პატიმარს მისცა. როგორც „ინტერნეტ.ჯი“-ს  კომისიის თავმჯდომარე ელენე თევდორაძემ განუცხადა, კომისია თავიდან 105 საქმეს იხილავდა, თუმცა მძიმე ავადმყოფობის გათვალსწინებით, შესაწყალებელ პატიმართა სიას 4 ადამიანი დაემატა.

„შეწყალების კომისიამ, 15 ქალბატონიდან მხოლოდ 5 -ს გაუწია რეკომენდაცია. 4 არასრულწლოვანისგან პრეზიდენტთან გადაგზვნილ სიაში ერთი მოხვდა, რადგან დანარჩენ სამ პრობაციონერს ცუდი დახასიათება ჰქონდა. 25- მა პატიმარმა, რომლებსაც სასჯელის ნახევარი მოხდილი ჰქონდათ, მაგრამ ტრეფიკინგის, მკვლელობის, გაუპატიურების, ნარკოტიკის რეალიზაციისთვის იხდიან სასჯელს, რეკომენდაცია არ მიიღეს,“- განუცხადა „ინტერნეტ.ჯი“-ს თევდორაძემ.

მისი თქმით, სია პრეზიდენტს უკვე გადაეგზავნა.

საქართველოს პრეზიდენტი მიხეილ სააკაშვილი, ქვეყნისთვის მნიშვნელოვან დღესასწაულებზე, პატიმრებს ტრადიციულად იწყალებს.

internet.ge