საქართველოში პირველად, ინკლუზიური განათლების საერთაშორისო კონფერენცია გაიმართა, რომლის მიზანი ინკლუზიური განათლების ძირითადი მიმართულებების განხილვა და საერთაშორისო გამოცდილების გაზიარება იყო.

კონფერენციაზე, საქართველოს განათლებისა და მეცნიერების სამინისტრომ,  ინკლუზიური განათლების კუთხით განხორციელებული საქმიანობის ანგარიში და  სამოქმედო გეგმა წარმოადგინა.

საქართველოში ინკლუზიური განათლების სფეროში ჩატარებული კვლევების შედეგების პრეზენტაციაც გაიმართა და მომავალი სტრატეგიული მიზნებისა და პრიორიტეტების განსაზღვრა  მოხდა.  

კონფერენციაში “მომავლის განათლების სისტემა ყველასათვის”  მონაწილეობდნენ საქართველოს განთლებისა და  მეცნიერების მინისტრის პირველი მოადგილე კოკა სეფერთელაძე, ნორვეგიის განათლებისა და კვლევის მინისტრის მოადგილე, ნორვეგიის ელჩი საქართველოსა და აზერბაიჯანში, დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩი საქართველოში, საქართველოს პარლამენტის წევრები, წარმომადგენლები უკრაინიდან, ბელორუსიიდან და  მოლოდვეთიდან. კონფერენციის მთავარი მომხსენებლები ნორთჰემპტონის უნივერსიტეტის პროფესორები: ჯონ ვისერი და რიჩარდ როსი იყვნენ. 

კონფერენციას  ასევე, სხვადასხვა დაწესებულებისა და ორგანიზაციის, მათ შორის,  შეზღუდული შესაძლებლობის მქონე პირთა ორგანიზციების წარმომადგენლები ესწრებოდნენ.

კონფერენცია  ნორვეგიის განათლებისა და კვლევის სამინისტროს ფინანსური მხარდაჭერით გაიმართა.

Internet.ge