ინფრასტრუქტურის მინისტრმა რამაზ ნიკოლაიშვილმა და იმერეთის გუბერნატორმა ქუთაისის შემოვლითი გზის სარემონტო სამუშაოები დაათვალიერეს. მშენებარე გზის მონაკვეთი ზესტაფონიდან იწყება და დასავლეთის მიმართულებით ქუთაისისა და სამტრედიის შემოვლით გრძელდება.

ახალი გზის პარალელურად კეთდება საგზაო დასვენებისა და გართობის ცენტრებიც. მშენებლობაზე დასაქმებული 1 500 ადამიანიდან უმეტესობა ადგილობრივი მოსახლეა. გზის მშენებლობასთან დაკავშირებით კომენტარი რამაზ ნიკოლაიშვილმა გააკეთა.

„საგზაო სამუშაოები სწრაფი ტემპით მიმდინარეობს. ამ ეტაპზე სამუშაოებზე 1 500-მდე ადამიანია დასაქმებული. თუ გავითვალისწინებთ, რომ სექტემბრიდან პარლამენტი ქუთაისში გადმოდის, მაშინ მივხვდებით რომ ამ გზას კიდევ უფრო დიდი მნიშვნელობა და დატვირთვა მიენიჭება“-განაცხადა  ნიკოლაიშვილმა.

Internet.ge