კომუნიკაციების მარეგულირებელი კომისია "სტერეო +"-სს  "მე-9 არხის" სიხშირის გათიშვისთვის ვადას 14:00 საათამდე აძლევს. გადაწყვეტილების შეუსრულებლობის შემთხვევაში,  "სტერეო +"-ის სიგნალი "ალფა კომის" მიერ მთლიანად გაითიშება.

აღნიშნული გადაწყვეტილება კომისიამ 5 საათიანი მსჯელობის შემდეგ, გუშინ მიიღო.

კომისიაში აცახდებენ, რომ "სტერეო +"-ს რადიოსიგნალის მაუწყებლობის ლიცენზია აქვს და "მე-9 არხს" საეთერო მაუწყებლობით ემსახურებოდა, რაც კანონდარღვევაა იქიდან გამომდინარე, რომ ლიცენზია F13, რომელსაც "სტერეო +" ფლობდა, ითვალისწინებს მხოლოდ რადიოხაზით მომსახურებას.

გუშინვე, მარეგულირეებელმა კომისიამ  "სტერეო +" "მე-9 არხისთვის" საეთერო სიხშირის გავრცელების გამო 5 ათასი ლარით დააჯარიმა .

აღნიშნულ გადაწყვეტილებას კომისიაში ადმინისტრაციულ სამართალდარღვევათა კოდექსის შესაბამისი ნორმით ხსნიან და აცხადებენ, რომ „სტერეო+“-ის დირექტორს ჯარიმა იმ მოტივით დაეკისრა, რომ  "სტერეო +"-მა "მე-9 არხისთვის" საეთერო მაუწყებლობა მინიჭებული სიხშირული ზონის გადაჭარბებით განახორციელა.

„ინტერნეტ.ჯი“ „სტერეო+“-ის დირექტორს დაუკავშირდა. როგორც დავით ზილფიმიანი სააგენტოსთან საუბარში აცხადებს, ჯარიმის გადახდას არ აპირებს და გადაწყვეტილებას გაასაჩივრებს.

Internet.ge