ამერიკაში, მერილენდის შტატში ნაყიდი ლატარეის ბილეთით, „მეგა მილიონის“ გათამაშებაში 640 მილიონ დოლარიანი ჯეკპოტი გათამაშდა.  ამის შესახებ ინფორმაციას „Associated Press“ ავრცელებს. ლატარეის ისტორიაში ეს ყველაზე დიდი თანხაა, რომელიც გადახდილი იქნება მხოლოდ ერთ მოგებულ ბილეთზე. ჯერ არაა ცნობილი, იყო თუ არა გაყიდული სხვა ბილეთებიც ციფრების მომგებიანი კომბინაციით.

640 მილიონიდან, გადასახადების ანგარიშცწორების შემდეგ, მოგებული ხელზე 350 მილიონ დოლარს მიიღებს. „მეგა მილიონის“ საჯეკპოტო ფონდის ზრდა გამოიწვია იმან, რომ 2012 წლის იანვრიდან ის არ გათამაშერბულა. თუკი ჯეკპოტი ამჯერადაც არ გათამაშდებოდა, მისი რაოდენობა 950 მილიონ დოლარს მიაღწევდა.

ორგანიზატორთა გაანგარიშებით, გათამაშების დაწყებისას გაყიდული იყო 1,5 მილიარდი დოლარის ღირებულების ბილეთები, ამიტომ გამარჯვების შანსი 176 მილიონიდან ერთს ქონდა.

აქამდე, ყველაზე დიდი გათამაშებული ჯეკპოტი მსოფლიოში 390 მილიონ დოლარს შეადგენდა. ის 2007 წელს გათამაშდა და ორ გამარჯვებულს შორის გადანაწილდა.

ლატარეა „მეგა მილიონი“ ყოველწლიურად აშშ-ის 42 შტატში ტარდება.

Internet.ge