პარლამენტის აპარატში სტაჟირების გავლის მსურველთა 715 განცხადებაა შესული, რომელთაგან კომისია საუკეთესოებს შეარჩევს, კონკურსი კი 22 ივნისამდე გაგრძელდება.

დღეს, ქუთაისში, პარლამენტის სტაჟიორთა შესარჩევი კონკურსი დაიწყო, რომელსაც პარლამენტის თავმჯდომარე დავით ბაქრაძე ესწრებოდა.

დღევანდელ კონკურსზე შერჩეული პირები სტაჟირებას საპროცედურო საკითხთა და წესების კომიტეტში, რეგიონული პოლიტიკის, თვითმმართველობისა და  მაღალმთიანი რეგიონების კომიტეტსა და  იურიდიულ  დეპარტამენტში გაივლიან.

დავით ბაქრაძის განცხადებით, ახალი პარლამენტისთვის კადრების მომზადება უკვე დაიწყო, რომელიც 2012 წლის არჩევნების შემდეგ ქუთაისში განთავსდება.

მისი შეფასებით, ქუთაისის პოლიტიკურ დედაქალაქად გადაქცევით, ადგილობრივ მოსახლეობას მშობლიურ ქალაქში დასაქმების საშუალება მიეცემა.

რაც შეეხება შესაჩევი კონკურსის კომისიის შემადგენლობას, მასში წარდეგნილი არიან - პარლამენტის აპარატის უფროსი დავით ჯანიაშვილი, აპარატის უფროსის მოადგილეები - ალექსანდრე ტაბატაძე და იაკობ იოსებაშვილი, საკადრო საკითხთა დეპარტამენტის უფროსი მარინე ასათიანი, კვლევითი დეპარტამენტის უფროსი ზურაბ ტარიელაშვილი, ასევე კომიტეტების აპარატების უფროსები. შერჩეული სტაჟიორები კი, საპარლამენტო საქმიანობის სპეციფიკას გაეცნობიან და  შესაბამის ტრენინგებსა და სემინარებს დაესწრებიან.

internet.ge