ევროკავშირი 1 ივლისიდან ირანის ნავთობის წინააღმდეგ ემბარგოს აამოქმედებს. ამის შესახებ ევროკავშირის საგარეო და უსაფრთხოების პოლიტიკის კომიტეტის პრეს-სამსახურის წარმომადგენელმა მაიკლ მანმა განაცხადა.

მისი თქმით, ცალმხრივი სანქციის დაწესებასთან დაკავშირებით რუსეთსა და ევროკავშირს შორის არსებული აზრთა სხვადასხვაობა ხელს არ უშლის მათი პოზიციების პრინციპულ ერთიანობას.

„ეს არ ნიშნავს, რომ ჩვენ ვერ ვთანხმდებით რუსეთთან მოლაპარაკების სხვა საკითხებთან დაკავშირებით,“ - განმარტა მანმა.

მიუხედავად რუსეთის წინააღმდეგობისა, ევროპაში მიიჩნევენ, რომ აღნიშნული სანქციები ირანს პოზიციებს შეაცვლევინებს:

„ჩვენ გვაქვს ცალკეული სანქციები აშშ-სგან და ცალკეული სანქციები - ევროკავშირისგან. ვფიქრობთ, რომ ამგვარი მიდგომა შედეგის მომტანი იქნება და საშუალებას მოგვცემს, მოლაპარაკების მაგიდასთან დავსვათ ირანელები,“ - დაამატა ევროპული დიპლომატიის მეთაურის წარმომადგენელმა.

Internet.ge