კომპანია
"ჯეოპრო მაინინგმა" "მადნეული" და "კვარციტი" 120
მილიონ დოლარად გაყიდა. ამის შესახებ ინფორმაციას რუსული მედია ავრცელებს.
მათივე ცნობით, კომპანია "ჯეოპრო მაინინგმა"
"მადნეულის"
და "კვარციტის"
გაყიდვის შესახებ გარიგებას ხელი 14 ივნისს მოაწერა, თუმცა კომპანიას მყიდველებზე ინფორმაცია ჯერ არ გაუვრცელებია.
ცნობისთვის, GPM-მა ოქროსმომპოვებელი
კომპანიები „მადნეული“ და „კვარციტი“ 2005 წელს შეიძინა, რათა კავკასიის რეგიონში
ოქროს წამყვანი მომპოვებელი გამხდარიყო. კომპანიამ ამ მიზანს წარმატებით მიაღწია,
რაც ოქროს მოპოვების ხუთმაგ ზრდაში გამოიხატა.
"ჯეოპრო მაინინგის" მიერ აქტივების გაყიდვა კომპანიის პოლიტიკამ
გამოიწვია, რომელიც განვითარების სტრატეგიული ვარიანტების გადახედვას გულისხმობს.
შესაბამისად, 2012 წლის თებერვალში „მადნეული“ აუქციონზე გავიდა და მასზე
ლიცენზია (2014 წლიდან) სხვა კომპანიამ
მიიღო, რომელიც GPM-სთან კავშირში არ არის.
კომპანიაში ვარაუდობენ,
რომ აღნიშნული საქმე GPM-ს საშუალებას მისცემს მთლიანად კონცერტრირდეს სომხეთში
არსებულ შვილობილ კომპანიებზე, კონკრეტულად GPM Gold-ზე, და იაკუტსკის ოქროსმომპოვებელ აქტივებზე
რუსეთში.
ინფორმაციის გადასამოწმებლად „ინტერნეტ.ჯი“
"მადნეულისა"
და "კვარციტის"
პრესსამსახურების წარმომადგენლებს დაუკავშირდა, მათი
თქმით, ბიზნეს გარიგებაზე დეტალური
ინფორმაცია დღესვე გამოქვეყნდება.
პრესსამსახური ამ ეტაპზე მხოლოდ იმას
ადასტურებს, რომ ახალი მფლობელი ოქროს მოპოვებას გააგრძელებს.
Internet.ge
