Twitter-მა, რომელიც 2006 წელს მიკრობლოგების წარმოების მიზნით შეიქმნა, უკანასკნელი თვეების განმავლობაში მთელი რიგი ახალი ფუნქცია შეიძინა. მათ შორისაა თვითების, იგივე გვერდების, „გაფართოების“ ფუნქციაც. ახლა კი ვებ-გვერდმა ძიების ფუნქციის გაუმჯობესება და ამ სფეროში დამკვიდრებაც გადაწყვიტა. ეს იმას ნიშნავს, რომ მიკრობლოგების ფუძემდებელი Google-ს გაეჯიბრება.

ანალიტიკოსები ასეთ დასკვნამდე მას შემდეგ მივიდნენ, რაც კომპანიამ ძიების სფეროში გამოცდილი ინჟინერები მიიწვია. მათ შორისაა სოციალურ ქსელ LikedIn-ში მომუშავე ამ სფეროს ერთ-ერთი ყველაზე ცნობილი სპეციალისტი ჯონ ვანგი. გარდა ამისა, Twitter-მა ტექნოლოგიების, ძიებისა და რელევანტურობის სფეროში მმართველად რუსლან ბელკინი დანიშნა. ამის შესახებ ბლოგ GigaOM-ის რედაქტორი ომ მალიკი წერს.

მალიკი აღნიშნავს, რომ მაისში საგრძნობლად გაუმჯობესდა ვებ-გვერდის საძიებო შესაძლებლობები. მაგალითად, ჩაირთო ორთოგრაფიული შეცდომების ავტომატური გამოსწორების ფუნქცია, ხოლო საძიებო საკითხების გვერდით დაიწყო მოთხოვნილ თემასთან დაკავშირებული ვარიანტების ჩვენებაც.

Internet.ge