შს სამინისტრო სპეციალურ განცხადებას ავრცელებს, რომელიც საპატრულო პოლიციაში გახორციელებულ საკადრო ცვლილებებს ეხება, "ინტერნეტ.ჯი" განცხადების ტექსტს უცვლელად გთავაზობთ:
"საპატრულო პოლიციაში რუტინული როტაციისათვის პოლიტიკური სარჩულის ძიების მცდელობა საფუძველს მოკლებული და გაუგებარია.

როტაცია ანუ სხვადასხვა რგოლის და რანგის პოლიციელების პერიოდული გეოგრაფიული და სამსახურეობრივი გადანაწილება, მუშაობის ეფექტურობის ზრდას ისახავს მიზნად; სამსახურეობრივი გადანაწილებები აგრეთვე ახალი კადრების მიღების და ადგილზე ტრეინინგის შესაძლებლობაა. საპატრულო და კრიმინალურ პოლიციაში მსგავსი პრაქტიკა პოლიციის რეფორმის პირველივე წლებში დამკვიდრდა და რეგულარულ ხასიათს ატარებს.

2011 წლის მაისს-ივნისში როტაცია საპატრულო პოლიციაში შეეხო 194, ხოლო 2012 წლის მაისს-ივნისში -150 პოლიციელს.

სახაზო საპატრულო პოლიციიდან 35 თანამშრომელი გადავიდა მეტროპოლიტენის სამმართველოში, ხოლო იქიდან 20 - სახაზო სამმართველოში. დაინიშნა პოლიციის აკადემიის 8 ახალი კურსდამთავრებული. 32-მა ამჟამად უკვე ყოფილმა პოლიციელმა უარი თქვა შეთავაზებულ სამსახურეობრივ როტაციაზე და დატოვა სამსახური."

internet.ge