ვორონეჟის ოლქის ტყეში, ყოფილი „ენკავედეს“ პოლიგონზე, ენთუზიასტებმა პოლიტიკური რეპრესიების მსხვერპლთა კიდევ ერთი სამარხი იპოვეს. დახვრეტილთა შორის არიან ქალები და ბავშვები. ამის შესახებ  ტელეკომპანია „ნტვ“ იუწყება.

ვორონეჟის მაძიებელთა გაერთიანება „დონის“ წევრები აცხადებენ, რომ, როგორც ჩანს, დახვრეტილებმა არც იცოდნენ, რომ სასაკლაოზე მიჰყავდათ. ამასთან, სამარხში ნაპოვნი ნივთებით დაადგინეს, რომ უმეტესობა დახვრეტილთა შორის ინტელიგენციის წარმომადგენელია.

მათი ვინაობის დადგენა ჯერჯერობით შეუძლებელია, რადგან საარქივო დოკუმენტების დიდი ნაწილი, რომელიც სტალინისდროინდელ რეპრესიებს ასახავს, ჯერ კიდევ გასაიდუმლოებულია.

„ნტვ“-ს ცნობით, აღნიშნული ექსპედიციის მონაწილეები აპირებენ პოლიტიკური რეპრესიების მსხვერპლნი აგვისტოში დუბოვსკის ხსოვნის ხეივანში გადაასვენონ.

internet.ge