სააპელაციო სასამართლომ „ქართული ოცნების“ სარჩელი არ დააკმაყოფილა, საქმე ეხება საქალაქო  სასამართლოს გადაწყვეტილებას, რომლის მიხედვითაც კოალიცია “ქართულ ოცნებაში” შემავალი სუბიექტები 2 383 097 ლარით დაჯარიმდნენ.

როგორც ადვოკატმა შალვა თადუმაძემ ჟურნალისტებთან საუბარში აღნიშნა, საქალაქო სასამართლოს გადაწყვეტილების აღსრულება 4 ივლისისთვის დაიწყება.

თბილისის საქალაქო სასამართლომ კონტროლის პალატის მიერ შედგენილი სამართალდარღვევის ოქმის საფუძველზე კოალიცია “ქართულ ოცნებაში” შემავალი სუბიექტების დაჯარიმების შესახებ გადაწყვეტილება  27 ივნისს მიიღო.მოსამართლე ილონა თოდუას გადაწყვეტილებით, აღნიშნული პარტიები 2 383 097 ლარით დაჯარიმდნენ.

internet.ge