იაპონია სტიქიის მოლოდინშია. ტოკიო ბოლო 50 წლის განმავლობაში ყველაზე ძლიერ ქარიშხალს ელოდება. გადადებულია 600 ავიარეისი, შეწყვეტილია მატარებლების მოძრაობა, გაუქმებულია სხვადასხვა სპორტული ღონისძიებები.

ქვეყნის მეტეოროლოგიური სამსახური შესაძლო ცუნამის შესახებ იუწყება. ქარიშხალი, რომელმაც ძალა იაპონიის ზღვაზე მოიკრიბა, ახლა ქვეყანას უტევს. ტოკიოში 90კმ საათში ქარის სიჩქარეა მოსალოდნელი. პროგნოზების ბიუროს ხელმძღვანელი ამბობს, რომ ქუჩაში გასვლა რეკომენდებული არ არის. ამის გამო ხალხი სამსახურებიდანაც გაათავისუფლეს.

წყნარი ოკეანის სანაპიროს მოსახლეობას 10-მეტრიანი ტალღების შესახებ აფრთხილებენ. ამასთან აზუსტებენ, რომ ეს იქნება არა რაიმე სხვა, არამედ ურაგანი (დამანგრეველი ძალისა და ხანგრძლივობის ქარიშხალი, მისი სიჩქარე წამში 30 მეტრს აღწევს). რთული მეტეოროლოგიური პირობები იაპონიაში 4 დღის განმავლობაში შენარჩუნდება.

Internet.ge