ლილოში, ქლორის გაჟონვის შედეგად  მოწამლული 18 წლის ლაშა ნარიმანიძის ჯანმრთელობის მდგომარეობა კვლავ მძიმეა. მოზარდი საუნივერსიტეტო კლინიკის  რეანიმაციულ განყოფილებაში რჩება.

როგორც „ინტერნეტ.ჯი“-ს ინგოროყვას კლინიკის პრესსამსახურმა განუცხადა, ბიჭის მდგომარეობას  თანდაყოლილი დაავადება - ბრონქიალური ასთმაც ამძიმებს.

მერიის ჯანდაცვის სამსახურის ინფორმაციით, თბილისის კლინიკებში ინციდენტის შედეგად დაზარალებული კიდევ 12 პაციენტი რჩება.

მათივე ინფორმაციით, ყველა მათგანი დღეს გაიწერება.

შეგახსენებთ, რომ  ლილოს დასახლებაში საწარმოდან ქლორის გაჟონვა მოხდა.

ავზი, საიდანაც ქლორმა გაჟონა, გაერთიანებული წყალმომარაგების კომპანიის კონტრაქტორ ფირმა „კრისტალს“ ეკუთვნის.

კომპანიის დირექტორი პოლიციამ გუშინ, დაკითხვის შემდეგ დააკავა. 

internet.ge