GE / EN
საინფორმაციო პორტალი
საზოგადოება
სიახლე|პოლიტიკა|საზოგადოება|ხელოვნება|ეკონომიკა|კრიმინალი|სამხედრო|სპორტი|მეცნიერება|ინტერვიუ
საპატრიარქოს განცხადება სინოდის სხდომასთან დაკავშირებით
11:51 06.07.2012
დღის სიახლეები

საქართველოს საპატრიარქო გუშინ გამართულ სინოდის სხდომასთან დაკავშირებით ინფორმაციას ავრცელებს.

საპატრიარქოს ინფორმაციით, სინოდის სხდომას საქართველოს კათოლიკოს-პატრიარქი, უწმინდესი და უნეტარესი ილია მეორე ხელმძღვანელობდა.

სხდომის განჩინება, მედიას გორისა და სამთავისის მიტროპოლიტმა, მეუფე ანდრია გვაზავამ გააცნო. 

სხდომაზე რამდენიმე საკითხი განიხილებოდა, მათ შორის ID ბარათების თემაც: 

“სადღეისოდ წარმოდგენილი ID ბარათების ვერსია საღვთისმეტყველო და საეკლესიო სწავლების მიხედვით, არ არის ანტიქრისტეს ბეჭედი, აქედან გამომდინარე, ამ ბარათით სარგებლობა შესაძლებელია. თუმცა, ვინაიდან ეს საკითხი საზოგადოებაში აზრთა სხვადასხვაობას იწვევს, ეთხოვა საქართველოს მთავრობას, თუ არის შესაძლებელი, დაშვებული იყოს ალტერნატიული პირადობის დამადასტურებელი საშუალებები,”- ნათქვამია საპატრიარქოს განცხადებაში.

წმიდა სინოდის განჩინების თანახმად, რომელიმე პარტიის პოლიტიკურ აქციაში ღვთისმსახურთა მონაწილეობა მიუღებელია.

“წმიდა სინოდზე აღინიშნა, რომ ეკლესია ყოველთვის იყო ქვეყნის გამაერთიანებელი ძალა და მისი ეს ფუნქცია დღეს განსაკუთრებით ესაჭიროება საქართველოს, ამიტომაც კატეგორიულად მიუღებელია ღვთისმსახურთა მონაწილეობა რომელიმე პარტიის პოლიტიკურ აქციაში. ეკლესია არის საყოველთაო და მისი წევრია ნებისმიერი პოლიტიკური შეხედულების ადამიანი”, – განაცხადა მიტროპოლიტმა.

წმიდა სინოდმა ბაგრატის ტაძართან დაკავშირებითაც იმსჯელა: 

“ეკლესია მომხრეა, ბაგრატის ტაძრის პირვანდელი სახით აღდგენის, მაგრამ, ვინაიდან დასავლეთ მკლავის რესტავრაციასთან დაკავშირებით გარკვეული პრობლემები შეიქმნა, აუცილებელია აქ სამუშაოები გაგრძელდეს საქართველოს საპატრიარქოს, კულტურის სამინისტროსა და იუნესკოს წარმომადგენლებთან შეთანხმებული პროექტით”.

წმიდა სიონოდის განჩინებით, ქართულ-აფხაზური და ქართულ-ოსური ურთიერთობების აღდგენისთვის ყველაფერი უნდა გაკეთდეს: 

“წმინდა სინოდზე ითქვა, რომ დღეს აფხაზები და ოსები უკვე ხშირად გამოთქვამენ აზრს, რომ საქართველოსგან გამოყოფამ მათ არსებობას საფრთხე შეუქმნა. ყველაფერი უნდა გაკეთდეს იმისათვის, რომ აღდგეს ძველი ურთიერთობა ქართველებსა და აფხაზებს, ქართველებსა და ოსებს შორის და უფრო ნათლად მოხდეს გაცნობიერება იმისა, რომ ამ კავშირშია მათი თვითმთყოფადობის შენარჩუნების გარანტია”, – აღნიშნულია განცხადებაში. 

წმიდა სინოდმა საინგილოში მოღვაწე მღვდელი მიხეილ-მიქაელ ყოლოშვილი წმინდანად შერაცხა.

“ხორნაბუჯისა და ჰერეთის ეპისკოპოსს მელქისედეკის წარდგინებით, წმინდანად შეირაცხა საინგილოში მოღვაწე რწმენისთვის თავდადებული მღვდელი მიხეილ-მიქაელ ყოლოშვილი. მისი ხსენების დღედ 5 ივლისი დადგინდა.

წმინდა სინოდის ბოლო სხდომა გასული წლის ბოლოს, 23 დეკემბერს გაიმართა.

internet.ge

აღდგომის დღეებში, სასწრაფო სამედიცინო დახმარების ცენტრში 6290 გამოძახება დაფიქსირდა
ცოლის მკვლელობისთვის ბრალდებულს 11 წელი მიესაჯა
სამეგრელოში ხე-ტყის უკანონო ტრანსპორტირების ფაქტი გამოვლინდა
"თურქეთში ჩატარებული რეფერენდუმის შედეგები დიქტატორად არ გადამაქცევს"
სპორტის სასახლეში „ნაციონალური მოძრაობის“ ყრილობა მიმდინარეობს
„Presa.ge საზოგადოებას და gwp-სბოდიშს უხდის“
პარიზში, ლეონარდო და ვინჩის დაკარგული ნახატი აღმოაჩინეს
ქუმსიშვილი: ნულიდან მიღწეულ ხელშეკრულებას შეხედეთ და არა იქიდან, საიდანაც ვიყავით
კრიმინალური ქრონიკა
სამეთაურო-საშტაბო სკოლის კურსდამთავრებულთა დაჯილდოება გაიმართა
დუდუ დადიანის ხსოვნის ტურნირი „არმიამ“ მოიგო
შოკისმომგვრელი დასკვნა - ბავშვის ტვინის ზომა მშობლების სიყვარულზეა დამოკიდებული
დღის თემა
რაში დაადანაშაულეს მეუფე პეტრე სინოდის სხდომაზე
"მე ვფიქრობ რომ ეს სხდომა იყო მიკერძოვებული, რადგან ჩემი აქტიურობის გარდა, იქ ბევრად მნიშვნელოვანი საკითხები იყო განსახილველი“,- განაცხადა მეუფე პერტემ.
გამოკითხვა
რომელ წყაროს იყენებთ ინფორმაციის მისაღებად?
  
პოპულარული სიახლეები
წაიკითხა გაიზიარა კითხულობენ
მთავრობის მორიგი სხდომა ორშაბათს გაიმართება1
ჟენევაში მოლაპარაკებათა 21-ე რაუნდი გაიმართება2
ანაკლიაში გრანდიოზული მშენებლობა იწყება3
ინიესტა კონტინენტზე საუკეთესოდ დაასახელეს4
რუსეთის საგარეო უწყება ეუთოს რეზოლუციასთან დაკავშირებით განცხადებას ავრცელებს5
ახალი ამბებიპოლიტიკასაზოგადოებახელოვნებაეკონომიკაკრიმინალისამხედროსპორტიმეცნიერებაინტერვიურეგიონიფოტორეპორტაჟი
 
თბილისი 0159, ახმეტელის ქ. №10ა. ტელ.: (995 32) 2 200 111, 577 208 612, 577 208 452. ელ-ფოსტა: [email protected]
 
Your Like on Facebook X