BBC მსოფლიოს „უპრეცენდენტო გლობალური საფრთხის“ შესახებ აფრთხილებს, რომლის ქვეშაც დამოუკიდებელი ახალი ამბების ჟურნალისტიკა ექცევა. იგი სხვადასხვა ქვეყანაში შესაბამისი ძალაუფლების მქონე ორგანოებს მოუწოდებს, დაიცვან ჟურნალისტების უფლება, შიშის გარეშე გადმოსცენ ინფორმაცია.

მოსკოვში მიმდინარე საერთაშორისო მედია-სამიტზე გამოსვლისას BBC Global News-ის დირექტორმა და BBC-ის საერთაშორისო სამსახურების უფროსმა პიტერ ჰოპოქსმა ამ საქმეში ხელისუფლების როლზე ისაუბრა:

„სასიცოცხლოდ მნიშვნელოვანია, რომ ძალაუფლების მქონე ყველა ორგანომ დაიცვას ჟურნალისტების უფლება, თავისუფლად გადასცენ ინფორმაცია. როდესაც ისინი იღუპებიან, საკუთარი მოვალეობის შესრულებისას, ხელისუფალთა ვალდებულებაა, ჩაატაროს სრულფასოვანი გამოძიება და იმის გარანტიაც მოგვცენ, რომ ადამიანები, რომელთაც ჟურნალისტების თავისუფლების შეზღუდვა სცადეს, წარმატებას ვერ მიაღწიეს.“

ეს მოწოდება პრესის საერთაშორისო ინსტიტუტის მიერ გამოქვეყნებულ მოხსენებას მოჰყვა, რომლის თანახმადაც მიმდინარე წელი ყველაზე საშიშია ჟურნალისტებისთვის: 2012 წლის დასაწყისიდან დღემდე, მასობრივი ინფორმაციის საშუალებებში მომუშავე 72 ადამიანია მოკლული.

ჰოპოქსმა ყურადღება რუსი ჟურნალისტების მკვლელობაზეც გაამახვილა: „ვინ დაივიწყებს აქ, რუსეთში, ანა პოლიტკოვსკაიას და „ახალი გაზეთის“ სხვა ჟურნალისტების მკვლელობებს? ასევე, სხვა გამოცემების ჟურნალისტებსაც, რომლებიც თავიანთი მოვალეობის შესრულებისას მოკლეს!“

Internet.ge