კრასნოდარის მხარეში, წყალდიდობის შედეგად დაღუპულ ადამიანთა რიცხვმა 30-ს მიაღწია. ამის შესახებ რუსეთის შსს-ს პრესსამსახური იტყობინება. მათივე ცნობით, კონტაქტზე არ გამოდის ორი პოლიციელი, რომლებიც შემთხვევის ადგილზე ადამიანების ევაკუირებას ახდენდნენ.

როგორც რუსეთის ხელისუფლების წარმომადგენლები აცხადებენ, სტიქიის შედეგად დაზარალებული ტერიტორიიდან ევაკუირებულია 1000-ზე მეტი მაცხოვრებელი. მათთვის დროებითი საცხოვრებელი მზადდება, სადაც მოსახლეობა საკვებითა და მედიკამენტებითაც იქნება უზრუნველყოფილი.

შემთხვევის ადგილზე 500-ზე მეტი მაშველი და 104 ერთეული ტექნიკაა მობილიზებული. ამ დროისთვის, სტიქიის მიმდებარე რაიონებში სულ 320-მდე სახლია დატბორილი, დაზიანებულია ენერგომომარაგების სისტემა, შეჩერებულია მატარებლების მოძრაობა და შეზღუდულია ავტოტრანსპორტის გადაადგილება.

internet.ge