სიახლეები, რომელიც საგზაო მოძრაობის უსაფრთხოების სფეროს ზუსტი რეგლამენტაციის მიზნით ხორციელდება, კვადროციკლებისა და მოტორიზებული ტრიციკლების მართვის მოწმობებსაც ეხება.

როგორც ‘’ინტერნეტ.ჯი"–ს მთავრობის საპარლამენტო მდივანმა, გია ხუროშვილმა განუცხადა, ახალი საკანონმდებლო ინიციატივის მიზანია - საგზაო მოძრაობის უსაფრთხოების სფეროს ზუსტი რეგლამენტაცია და მისი მიახლოება საერთაშორისო სტანდარტებთან.

აღნიშნული ცვლილებებით, კვადროციკლებისა და მოტორიზებული ტრიციკლების ტიპის სატრანსპორტო საშუალებებზე  - B 1  კატეგორია 16 წლის ასაკიდან გაიცემა, ასევე B 1 კატეგორიის მოწმობა გაიცემა ავტომობილების მართვაზე 17 წლის ასაკიდან, თუმცა  დროებითი მოწმობის სახით, ხოლო 18 წლის ასაკიდან მუდმივი სახით.

internet.ge