ვერძი: ნუ მიიღებთ სერიოზულ გადაწყვეტილებებს და მოერიდეს ხანგრძლივი პერსპექტივების გეგმების აგებას, რადგან გარემოებათა გამო შეიძლება ბევრი რამ შეიცვალოს. ხშირად შეგეცვლებათ გუნება-განწყობა, რაც აისახება არა მარტო კარიერასა და პარტნიორულ ურთიერთობებზე, არამედ ფინანსურ მდგომარეობაზეც. ამ პერიოდში თქვენი სასიყვარულო გრძნობები განიცდის ტრანსფორმაციას, ამიტომ კონფლიქტებისათვის თავის ასარიდებლად კარგი იქნება, თუ სადმე გაემგზავრებით დაისვენებთ და ყველაფერს გაიაზრებთ.

კურო: ახალი საქმიანი პერსპექტივების წარმოსაჩენად და ფარული ოცნებებისა და მიზნების ხორცშესასხმელად აუცილებელი იქნება მკაფიო აზრის ჩამოყალიბება და გადაწყვეტილებების მიღება. შესაძლოა გამოსავალი იპოვნოთ ძველი ჩახლართული საქმეებიდან და არაერთგვაროვანი სიტუაციებიდან. მოგიწევთ ოჯახის მატერიალური საკითხების მართვა ან დახმარების გაწევა. ოჯახის წევრებთან გატარებული საღამოები და საუბრები დიდ სიამოვნებას მოგანიჭებთ. ძალების აღდგენას და დასვენებას კი ადვილად შეძლებთ ქალაქგარეთ, ბუნებაში.

ტყუპები: ახლობლების ცხოვრებაში მონაწილეობის მიღებისას ბევრ დროს გაატარებთ საინტერესო ადამიანების წრეში, ახლის შეცნობისა და საკუთარი ავტორიტეტის გამყარებაში. მოერიდეთ რთული საკითხების გადაწყვეტას და მეტად მიენდეთ ახლობლებსა და საყვარელ ადამიანს. ნუ შეეცდებით მეუღლესა ან ოჯახის წევრებზე ძალისმიერად მოქმედებას და მეტი დრო გაატარეთ ბავშვებთან ან ასაკით უმცროს ადამაინებთან. ეს კარგი დროა დასასვენებლად გამგზავრებისათვის, ჯანმრთელობის მოწესრიგებისა და ძალების აღდგენისათვის.

კირჩხიბი: დადებითად წარმართავთ ფინანსურ და ეკონომიკურ საკითხებს. ნუ გამოიყენებთ გამოუცდელ ადამიანებს, უცნობებსა და არასანდო ინფორმაციის წყაროებს. ნუ გარისკავთ და მოერიდეთ ფულის სწრაფად მოპოვების ყველა მეთოდს. ახალი ნაცნობები ინტერესს გამოიჩენენ თქვენი იდეების მიმართ და დახმარებასაც გაგიწევენ საჭიროების შემთხვევაში. გაგიჭირდებათ მარტოობა, ამიტომ მეუღლესთან, ოჯახის წევრებთან ან საყვარელ ადამიანთან უსიამოვნებისას სჯობს იოცნებოთ და მშვიდად გააანალიზოთ მომხდარის ფარული არსი.

ლომი: ჯუფური მუშაობა საქმის სწრაფად დასრულების საშუალებას მოგცემთ. ეს კარგი დროა ძველი ვალების დასაბრუნებლად და საქმეების დასასრულებლად. საინტერესო ადამიანებთან ურთიერთობა დაგეხმარებათ შიშების დაძლევაში. მეგობრული ურთიერთობა შეიძლება გადაიზარდოს სასიყვარულოში. საწინააღმდეგო სქესის სხვა წარმომადგენლებზე კი შეიძლება გული აიცრუოთ, თუ ისინი ვერ დააკმაყოფილებენ თქვენს წარმოსახვაში არსებულ იდეალს. მოგზაურობისას დამყარებული კავშირები დიდხანს გაგრძელდება.

 ქალწული: ფიანანსურ და მატერიალურ მდგომარეობაზე ზრუნვა დაგეხმარებათ კარიერულ წინსვლასა და სამომავლო მიზნების ჩამოყალიბებაში. შესაძლოა წარმატების მისაღწევად გამოიყენოთ ფარული მიმოწერა ან საიდუმლო შეხვედრები პოტენციურ მფარველებთან. რომანტიული ურთიერთობები და მეგობრებთან ხშირი, ხმაურიანი შეხვედრები მუშაობისა და დასვენებისათვის ცოტა დროს დაგიტოვებთ. პირად და სასიყვარულო ურთიერთობებში კი აუცილებელია დაფიქრება, რათა გააკეთოთ სწორი არჩევანი და თავი აარიდოთ კონფლიქტურ სიტუაციებს.

სასწორი: გაგიადვილდებათ კოლეგებისა და თანამოაზრეების გადმობირება და სამომავლო გეგმების განსახორციელებლად თანხმობის მიღება. სამსახურის ან თანამდებობის შემოთავაზებაზე არ თქვათ უარი. ოჯახში შეიძლება მატერიალური პრობლემები გაჩნდეს, რაც მოითხოვს ზუსტ ხარჯთაღრიცხვას. ფინანსური სტაბილურობის შესაცვლელად აუცილებელია ცხოვრებისეული ცვლილებები, მაგრამ სხვისი ფული სჯობს არ გამოიყენოთ. მოგზაურობა დადებითად აისახება თქვენს განწყობასა და ჯანმრთელობაზე.

მორიელი: საქმის კეთებისას გამოიყენეთ მოწინავე მეთოდები და ახალი ცოდნა, რათა სამუშაო მოსაბეზრებელი არ მოგეჩვენოთ. გარკვეული ძალდატანებით ან რაიმე გარემოებების გამო შესაძლოა შეიცვალოთ კვალიფიკაცია ან თანამდებობა, რაც ახალ პერსპექტივებს გადაშლის თქვენს წინაშე. მჭერმეტყველების მეშვეობით ადვილად იპოვით საერთო ენას კოლეგებთან და ხელმძღვანელებთან. ბევრ დროს მოითხოვს ურთიერთობა, გადაადგილებები, ოჯახთან დაკავშირებული საქმეები. საყვარელ ადამიანთან პრობლემებს შეგიქმნით ავადმყოფური ეჭვიანობა.

მშვილდოსანი: საჭიროების შემთხვევაში სჯობს დროულად წახვიდეთ დათმობებზე, რათა საქმიან, სამსახურებრივ და პირად ურთიერთობებში შეინარჩუნოთ კეთილგანწყობა და ნდობა. სამსახურის ან პროფესიის შეცვლა მოითხოვს დამატებითი ცოდნის მიღებასა და კვალიფიკაციის ამაღლებას. შესაძლოა სახლთან და ოჯახთან დაკავშირებული ძველი ჩანაფიქრების განხორციელება. მოგზაურობა კი არა მარტო საინტერესო, არამედ ამაღელვებელიც შეიძლება აღმოჩნდეს და ბევრი საინტერესო შეგრძნება დაგიტოვოთ.

თხის რქა: თქვენ მეტად კომუნიკაბელური გახდებით და ეცდებით აქამდე ფარული თვისებები და ნიჭი გამოიყენოთ მიზნების მისაღწევად, როგორც პროფესიონალურ საქმიანობაში, ასევე ყოფიერ ცხოვრებაში. კარგი დროა ახლის ათვისებისა და ცოდნის გაღრმავებისათვის. კარიერულ ზრდაში დახმარებას გაგიწევენ მეგობრები და მფარველები. დასვენებისას მოერიდეთ მძაფრ შეგრძნებებსა და ექსტრემალურ გართობას. ყურადღება მიაქციეთ ჯანმრთელობას, რათა არ გამწვავდეს ქრონიკული დაავადებები.

მერწყული: ერუდიციისა და მჭერმეტყველების მეშვეობით ადვილად დააინტერესებთ გარშემომყოფებს. ორიგინალურობა და გამოცდილება წარმატებას გიქადით საშუამავლო ან კომერციულ საქმიანობაში. ახალი გადაწყვეტილებების შედეგად სრულიად შეცვლით სამომავლო მიზნებსა და გეგმებს, გაგიჩნდებათ ახალი ჩანაფიქრები. შესაძლოა დაფიქრდეთ სამსახურის ან საქმიანობის შეცვლაზეც. სასიყვარულო ასპარეზზე შესაძლო გამოჩნდეს საკმაოდ პერსპექტიული ადამიანი, ამიტომ ნუ აჩქარდებით და ეცადეთ მასზე სერიოზული ადამიანის შთაბეჭდილებოა მოახდინოთ.

თევზები: გაგიჭირდებათ საკუთარი შესაძლებლობების სწორად განსაზღვრა, რის გამოც გეგმები გზადაგზა შეიცვლება. შესაძლოა დაფიქრდეთ ბინის, ან ქვეყნის გამოცვლაზე. შესაძლოა მოგიხდეთ უფროსი ოჯახის წევრის მოვლაც. სამსახურის ან საქმის გამოცვლა დაგეხმარებათ ადრინდელი ჩანაფიქრების განხორციელებაში. გაგიადვილდებათ ახლის შესწავლა, ინფორმაციის მიღება და გადამუშავება, ახალი კავშირების დამყარება და ურთიერთობა. ეს კარგი დროა გამაჯანსაღებელი პროცედურების, სპორტისა და სულიერი პრაქტიკებისათვისაც.