დღეიდან საქართველოში სამედიცინო დაზღვევის პოლისები დარიგდება. მათით სარგებლობა უკვე 1 სექტემბრიდან იქნება შესაძლებელი. ბარათების აღება „ლიბერთი ბანკშია“ შესაძლებელი. ისინი კი, ვინც პენსიას სახლში იღებენ, დაზღვევის პოლისებსაც ადგილზე მიუტანენ.

სამედიცინო ბარათებს რეგისტრაციის ადგილზე მიიღებენ 5 წლამდე ასაკის ბავშვები და სტუდენტებიც. დევნილები აღნიშნულ პოლისებს სოციალური მომსახურების სააგენტოს რეგიონულ სერვის-ცენტრებში აიღებენ.

მთლიანობაში სადაზღვევო პოლისებით 550 ათასი პენსიონერი, 250 ათასი ბავშვი და 100 ათასამდე სტუდენტი ისარგებლებს.

ბარათების დარიგების პროცესი მიმდინარე თვეში დასრულდება.

Internet.ge