მზე ცის კაბადონზე გადაინაცვლებს ლომის ზოდიაქოში, სადაც გასტანს 22 აგვისტომე. ეს მოვლენა ამ პერიოდის მანძილზე ადამიანთა ხასიათსა და ქცევებში გააძლიერებს ლიდერის თვისებებს, ორგანიზატორულ მონაცემებს, კეთილშობილებას, არტისტიზმს, თუმცა, ამავდროულად, სიზარმაცეს, ეგოიზმს, გადამეტეულ სიამაყესა და პატივმოყვარეობას. 
კარგი დღეა მოგზაურობისა და ტურისტული ლაშქრობებისათვის, ბუნებასთან კონტაქტისათვის, ვარჯიშისათვის, დალაგება-დასუფთავებისთვის. 
მინერალებიდან სასიკეთოა: ყვითელი ან მწვანე თოფაზი, ოპალი, ონიქსი, მალაქიტი. ფერებიდან დადებითია: ყავისფერი, მწვანე, ნაცრისფერი, ყვითელი, ნარინჯისფერი, ვერცხლისფერი და ოქრისფერი. სიზმრები ახდება ხანგრძლივი პერიოდის შემდგომ. პლანეტების იუპიტერისა და ურანის ჰარმონიული ურთიერთქმედება ხელს შეუწყობს ოპტიმისტურ განწყობას, მოულოდნელ წარმატებას, პოპულარობას, რეფორმატორულ წამოწყებებს. ასეთ დღეებში ბედნიერება აუცილებლად გეწვევათ, თუ ეს ადრე დაიმსახურეთ. 
მეტი დრო დაუთმეთ ტრადიციებს, ახლობლებს. ნუ იქნებით მეწვრილმანე, აკონტროლეთ სიტყვები. რთული დღეა სიყვარულისა და ქორწინებისათვის, უძრავი ქონების ყიდვა-გაყიდვისათვის. კარგია დღე დიეტის დასაწყებად, თმების შესაჭრელად (შემდგომ ნელა გაიზრდება). ჯანმრთელობის თვალსაზრისით სუსტდება ნაწლავთა სისტემა, ელენთა, კუჭქვეშა ჯირკვალი. 
დღე დადებითია კუროს, კირჩხიბისა და თხის რქისათვის. უარყოფითია – ლომის, სასწორისა და მერწყულისათვის. 
internet.ge