ბრიტანელმა მომრერალმა მხარდაჭერა გამოუცხადა რუსეთში დაკავებულ პანკ-ჯგუფ „Pussy Riot“-ს, რომლის წევრებიც უკვე თვეებია დაკავებულები არიან იმის გამო, რომ მაცხოვრის ტაძრის საკურთხეველთან აქცია მოაწყვეს და ღვთისმშობელს შესთხოვეს „გაეგდო პუტინი“.

სტინგის მიმართვა უფლებადამცველი ორგანიზაცია Amnesty International-ის საიტზე გამოქვეყნდა. ამ ორგანიზაციამ ჯგუფის დაკავებული წევრები სინდისის პატიმრებად გამოაცხადა.

მუსიკოსის თქმით, ის შოკირებულია იმით, რომ გოგონებს, შეიძლება, 7 წლის გატარება ციხეში მოუხდეთ იმის გამო, რომ ქვეყანაში გაბატონებულ წესრიგს არ ეთანხმებიან.

სტინგმა მოუწოდა მოსკოვს, გაათავისუფლოს გოგონები ციხიდან.

"აზრის თავისუფლება - ნებისმიერი დემოკრატიის განუყოფელი ნაწილია," - წერს ის და ურჩევს რუსეთის ხელისუფლებას,  საღად იაზროვნოს და ნუ დაკარგავს იუმორის გრძნობას, რაც არა სისუსტის, არამედ სიძლიერის მანიშნებელია.

სტინგის კონცერტი ორი დღის შემდეგ კი სანკტ-პეტერბურგში გაიმართება.

Internet.ge