ქალაქ რუსთავის მერიაში მერიის წარმომადგენლებსა და კოალიცია „ქართული ოცნების“ წევრებს შორის შეხვედრა რამდენიმე წუთის წინ დასრულდა.

შეხვედრაზე გაირკვა, რომ კოალიცია „ქართული ოცნება“ უარს ამბობს რუსთავის მერიის მიერ შეთავაზებულ ადგილას აქციის გამართვაზე.

როგორც „ინტერნეტ.ჯი“-ს რუსთავის მერიის პრესასთან და საზოგადოებასთან ურთიერთობის სამსახურის ხელმძღვანელმა ნინო კორძაიამ განუცხადა, „ქართული ოცნება“ აქციის მეგობრობის გამზირზე ჩატარებას აპირებს.

„ვახტანგ ყაველაშვილი, რომელიც „ქართული ოცნების“ მხრიდან 19 აგვისტოს დაგეგმილი აქციის ორგანიზატორია, იმყოფებოდა შეხვედრაზე მერიის წარმომადგენლებთან. ჩვენ დღესაც მივეცით რეკომენდაცია, რომ ჩაატარონ ღონისძიება მეგობრობის გამზირზე, თუმცა უარს აცხადებენ. ისინი გეგმავენ  აქცია გამართონ ჟიული შარტავას მოედანზე. ამ დგილას აქციის ჩატარებაზე რუსთავის მერიას რეკომენდაცია არ მიუცია. თუკი „ქართული ოცნება“ ჩაატარებს აქციას ჟიული შარტავას მოედანზე, ჩვენ კანონის შესაბამისად ვიმოქმედებთ“- განაცხადა კორძაიამ.

შეგახსენებთ, რომ კოალიცია „ქართული ოცნების“ აქცია რუსთავიში 19 აგვისტოს არის დაგეგმილი.

internet.ge