28 აგვისტოს აშშ-ში რეალითი-შოუ „Abby & Brittany“ იწყება, რომელთა გმირებიც სიამის ტყუპები - ებიგეილი და ბრიტანი იქნებიან. მაყურებელი კი შეიტყობს, როგორია, როცა ერთ სხეულს ორი ადამიანი იყოფს.

გოგონები 20 წლისანი არიან, რაც თავისთავად უკვე მიღწევაა, რადგან სიამის ტყუპების ამ ასაკამდე მისვლა ზოგადად, გამორიცხულია. ისინი, როგორც წესი, დაბადებიდან მალევე იღუპებიან.

თავის დროზე მშობლებს ტყუპების განცალკევება შესთავაზეს, მაგრამ მათ უარი თქვეს, რადგან ასეთ დროს გადარჩენის შანსი მხოლოდ ერთ ბავშვს აქვს.

დღეს დები ამბობენ, რომ ერთმანეთის გარეშე ცხოვრება წარმოუდგენლად მიაჩნიათ, თუმცა ამან ერთხელ პრობლემები უკვე შექმნა - როცა ებიგეილს თანაკურსელი ბიჭი შეუყვარდა, რომელიც საშინლად არ მოსწონდა ბრიტანის, დების ჩხუბს კი ოჯახი ჭკუიდან გადაჰყავდა.

გოგონებს შორის არა მარტო სიტყვიერი კონფლიქტი, არამედ ფიზიკურად ჩხუბიც მომხდარა. მაგალითად, ერთმა მეორეს თავში ქვა ჩაარტყა, ისე, რომ არ გაუაზრებია, რომ დის გათიშვის გამო, შეიძლება, სახლში ვერ დაბრუნებულიყო. თითოეული მათგანი ხომ სხეულის მხოლოდ „საკუთარ“ ნაწილს აკონტროლებს და მეორე ნახევარზე შეხებასაც კი ვერ გრძნობს.
internet.ge