სპეციალურად ორგანიზებული მართლმადიდებლური საძმოები მოსკოვისა და მოსკოვის ოლქში პატრულირებას იწყებენ. ამის შესახებ „ინტერფაქსი“ მოძრაობა „წმინდა რუსეთის“ ლიდერზე ივან ოსტრაკოვსკიზე დაყრდნობით იუწყება.

„მართლმადიდებლური პატრული“ უფლებას იტოვებს „შესაბამისი ზომები მიიღოს“ იმ პირთა აღმოჩენისას, რომლებიც მკრეხელობას ჩაიდენენ მართლმადიდებლური სიწმინდეების მიმართ, შეურაცხყოფენ რწმენას, გამოავლენენ აგრესიას," - განაცხადა ოსტრაკოვსკიმ.

მან დააზუსტა, რომ მართლმადიდებლები ამით არ მოუწოდებენ ფიზიკური ანგარიშსწორებისკენ და ამტკიცებს, რომ საძმოები კანონის ფარგლებში მოქმედებას და პოლიციასთან ურთიერთქმედებას მოახერხებენ.

internet.ge